le sphera de InterDict
Benvenite a Interdict Wiki
Isto es le wiki del Programma InterDict, ubi le participantes collabora a construer le documentation del subprojectos in interlingua. Pro vider le detalios, vole ben visitar le Programma InterDict. Pro navigar in le wiki, visita le Indice.
Novas
8 augusto 2009
Le lista del terminos de traducer in le pagina "A" del projecto InterDict Anglese-Interlingua de Informatica es prompte.
Le Programma InterDict
Le Programma InterDict es un idea de --robocap (a.c.c. Roberto Capuzzo) pro colliger e developpar un communitate de amatores de informatica que crea contentos original usante interlingua in vice que le anglese. Post 20 annos de activitate professional international in projectos de informatica, robocap se convinceva que le avantage del parlatores matrelingua de anglese es troppo grande e inique pro esser tolerate, e que le compromisso melior es un lingua auxiliar international simple e facile de apprender sia pro le angleses que pro le romanophones, como interlingua. Naturalmente isto lassa foras arabophones, chinophones, parlatores de linguas indian e oriental, ma iste personas cognosce generalmente ben le anglese sin esser matrelingua, assi le paritate linguistic es assecurate.
Al fin de developpar iste nove communitate, robocap es creante un portal con foro ubi le participantes debattera le projectos e potera demandar adjuta e/o explicationes, e iste wiki, que continera le documentation del projectos, glossarios specialisate e le eventual codice fonte (quando on non habera necessitate de un sistema de gestion del modificationes).
Pro participar
Si vos vole participar a uno o plus projectos Interdict, vos debe satisfacere alcun requisitos.
Requisitos General
- Cognoscer ben al minus un del linguas fonte de interlingua: latino, anglese, espaniol, francese, germano, italiano, portugese, russo;
- Haber qualque notion de interlingua (si vos comprende iste texto, il suffice);
- Esser membro de wikia (le registration es libere)
- Non alterar le structura de iste wiki
- Respectar le opiniones del altere contributores
- Esser de accordo que le parola final in omne question re iste wiki pertine al Web Domino del Programma InterDict, illo es robocap.
Requisitos Particular
Cata un Projecto habera requisitos specific, p. ex. un projecto pro le definition de un nove schema XML habera como requisito le cognoscentia del linguage XML. Vide le dossier introductive del varie projectos in le portal del Programma InterDict o anque in iste wiki mesme.
Si vos satisface tote le requisitos general e assatis requisitos particular de un projecto, vostre collaboration essera grandemente appreciate. Le registration in le portal del Programma InterDict non es obligatori, ma poterea esser necessari pro acceder a paginas reservate. In addition, alcun projectos exigera le creation de un deposito SVN, ergo un altere registration poterea esser necessari (si vos non sape que es un deposito SVN, vos debera jammais facer iste registration).